പതുക്കെ... ഒരു യാത്ര ആരംഭിക്കുകയാണ് !
"മടങ്ങുകയാണോ?"
"അതെ. "
"ധൃതിയായോ?"
"എന്തെ?"
"അങ്ങ് എവിടേയ്ക്കാണ് ഈ യാത്ര?"
"തുടങ്ങിയിടത്തെയ്ക്ക്"
"ഞാനും വരട്ടെ?"
"വളരെ ദൂരം പോകാനുണ്ട്."
"സാരല്ല്യ"
"വെയിലും മഴയും കാറ്റും മഞ്ഞും വലയ്ക്കും."
"സാരല്ല്യ"
"വേഗത പോരാതെ വരുമ്പോള്‍ കിതയ്ക്കും"
"സാരല്ല്യ"
"അസുഖങ്ങള്‍ വന്നാല്‍ വല്ലാതെ ബുദ്ധിമുട്ടും"
"ഒന്നും വരില്ല്യാ"
"ഇരുട്ടത്ത് തപ്പിത്തടഞ്ഞും വഴിമുട്ടിപ്പോയും പ്രയാസങ്ങളുണ്ടാകും"
"എനിക്ക് കാഴ്ചയ്ക്ക് കൊഴപ്പോന്നും ല്ല്യാ. വഴി മുട്ടലും ണ്ടാവില്ല്യാ."
"പാതി വഴിയില്‍ മടങ്ങിപ്പോയാലോ എന്ന് ചിന്തിച്ചു പോകും"
"ഇല്ല്യാ അങ്ങനീണ്ടാവില്ല്യാ"
"ലക്ഷ്യത്തിലെത്തുമോ എന്നെനിക്കറിയാത്ത യാത്രയാണ്."
"അതും സാരല്ല്യാ. ലക്ഷ്യത്തിലെത്തിക്കോളും"
"എന്തിനാ എന്‍റെ ഒപ്പം വരണെ?"
"എനിക്കിഷ്ടം ണ്ടായിട്ട്‌."
" ആരെ? എന്നെയോ യാത്രയെയോ?"
"ജീവിതത്തെ."
"ആരുടെ ജീവിതത്തെ?"
"നമ്മുടെ, സഹയാത്രികരായ നമ്മുടെ ജീവിതത്തെ."
"വരൂ, നമുക്ക് പതുക്കെ നടക്കാം."
*******************************
No comments:
Post a Comment