അശരീരി
കാളയിറച്ചിയും കള്ളും
കറി വച്ച ഞണ്ടും പൊരിച്ച മീനും
പുളിയിട്ടതും;
അപ്പവും പാലും
തവയില് ചൂട് മാറാതെ
ചുട്ടുപൊള്ളപ്പിച്ചെടുത്ത
പൊറോട്ടയും;
വച്ചു വിളമ്പി വിളിച്ചൂ കിഴക്കത്തി
ആഘോഷ പൂര്വ്വം
അതൊന്നാസ്വദിക്കുവാന്
കോഴിയിറച്ചി
ക്കറി വെന്തതിന് മണം
കോരിയൊഴിച്ച് വിളമ്പും
ഉയിര്പ്പുനാള്!
കാഞ്ഞിരപ്പള്ളി റബ്ബറിന്റെ കണ്ണുകള്
ഊറ്റി ക്കുടിച്ച്ചു ചുവക്കുന്നോരുച്ചയില്
വാറ്റിഎടുത്ത ചാരായം നിറം ചേര്ത്ത്
കോപ്പയിലാക്കി കുടിക്കുവാന് നീട്ടുന്ന
കാട്ടുകള്ളി; കരി വളയിട്ട കൈകളില്
കാറ്റുവന്നിക്കിളി കൂട്ടിയ പോല് നിന്നു.
മദ്യം വിഷം; മദിരാക്ഷി കൊടും വിഷം
മച്ച്ചിന്നു കീഴെ ഒടുക്കത്തെ അത്താഴ
സദ്യയിരുന്നുണ്ടചിത്രത്തില് നിന്നൊരാള്
ഭിത്തിയില് നിന്നു പിടഞ്ഞെണീറ്റെന്നോട്
കല്പ്പിച്ച്ചുവോ അശരീരി: എണീറ്റ് പോ.
********************* **********************************
No comments:
Post a Comment