പ്രണയത്തെ കുറിച്ച് ഒന്നുമറിയാത്ത എനിക്ക് 
ഒന്നും പറയാനില്ല. 
അതൊരു വിശപ്പല്ല ; ആയിരുന്നെങ്കിൽ വയറു കാളുമായിരുന്നില്ലേ?
ദാഹമല്ല; ആയിരുന്നെങ്കിൽ തൊണ്ട വരണ്ടു ഉണങ്ങിയേനെ 
കാമം അല്ല; ആയിരുന്നെങ്കിൽ അവൾ എന്നേ  പിണങ്ങി ഓടിപ്പോയേനെ!
ഒറ്റയ്ക്കാവുംപോഴും അടുത്ത് അവളുണ്ട് എന്ന തോന്നലാവുമൊ?
നിലാവിൽ മഞ്ഞലിഞ്ഞു കുളിരുന്ന ഒരു സ്വപ്നത്തിന്റെ പിൻകഴുത്തിൽ 
ചുണ്ട് ചേര്ത്ത് നിന്ന് കൂമ്പാള മിനുസ്സമുള്ള അവളുടെ കിനാവുകളുടെ അടിവയറിൽ ലോലമായി തഴുകുമ്പോൾ എന്നിലേക്ക്‌ മുഖം ചായ്ക്കുന്ന  കണ്ണുകളിൽ 
തെളിനീരുറവ തെളിയുന്നതാണോ പ്രണയം? അറിയില്ല.
പ്രണയത്തെ കുറിച്ച് ഒന്നുമറിയാത്ത എനിക്ക് പ്രണയിക്കാൻ അവകാശമില്ലല്ലോ.
എല്ലാം സമര്പ്പിച്ചു കഴിഞ്ഞവന് എന്തിനാണ് പ്രണയവും?